تاریخِ کربلا

 شام ہونے کو تھی کہ ایک پرندہ مضطرب حالت میں میری  سب سے اوپر والی ٹہنی پر آبیٹھا۔۔۔۔ 

کبھی ادھر دیکھتا کبھی ادھر۔۔۔۔۔ بے چین۔۔۔۔ اس کا اضطراب اسکی نظروں کو پرسکون نہیں ہونے دیتا تھا اور ایسا لگتا تھا کہ  اسکی نظر کسی ان دیکھے اشارے کے تعاقب میں ہو.۔۔۔۔ 

"کیا ہوا برخوردار۔۔۔۔ کیوں اداس بیٹھے ہو سردیوں کی اس اک شام میں؟" 

"اے تناور درخت۔۔۔۔ میں راستہ بھٹک گیا ہوں۔۔۔۔ مجھے راستہ نہیں مل رہا۔۔۔ " پرندہ کہنے لگا۔۔۔۔ 

" میرے پاس رہ لو۔۔۔۔۔ صبح ہوتے ہی راہ لینا۔۔۔۔ یوں دل رنجیدہ مت کرو۔۔" 

"راہ ہی تو نہیں مل رہی" 

"منزل کیا ہے تمہاری۔۔۔۔۔ اور یوں کیوں رخ بدل بدل کر دور تکتے ہو" 

" دیکھتا ہوں کہ کہیں دور سے کوئی راہ دکھائی دے اور فرشتے آکر کہیں چل!!! کعبے کا والی بلاتا ہے تجھے۔۔۔۔۔ اور میں دیوانہ وار بھاگ چلوں اس کے گھر کا طواف کرنے۔۔۔۔ لہریں مجھے لے چلیں اور میں لہراتا لہراتا اس کے کعبے کے گرد پھروں اور پروانہ بن جائوں ۔۔۔۔۔" 

اور 

"پھر دیکھتا ہوں کہ شاید ادھر سے ہوائیں چلیں اور مجھے اپنے سنگ رحمتوں میں لپیٹے لیتی چلیں اور کہتی چلیں چل اے مسافر تجھے تاجدار مدینہ بلاتے ہیں۔۔۔۔ اور پھر میں وہاں ان کی چوکھٹ چومتا رہوں۔۔۔۔اور پھر کہیں کسی کونے میں بیٹھ کر ان کے روضے کو تکتا جاؤں۔۔۔ تکتا جاؤں اور حال دل کہتا رہوں۔۔۔ " 

اور یہ کہتے کہتے رونے لگا۔۔۔سسکیاں بھرنے لگا۔۔۔۔ اور اسی کسی لمحے میں اس کی آنکھ لگ گئی۔۔۔۔ صبح سورج نکلا تو وہ موجود نہ تھا۔۔۔۔۔۔۔ شاید کوئی راستہ نظر آگیا تھا اسے صبح صبح  ۔۔۔۔۔۔۔۔

دن گزرتے گئے پر وہ نہ آیا۔۔۔۔۔ پر جانے کیوں دل سے اس کا خیال نہیں جاتا تھا۔۔۔۔

ایک شام جب سب پرندے اپنے گھروں کو چل دیئے تو ایک بھٹکا راہی دور سے آتا دکھائی دیا۔۔۔۔۔ وہی اضطرابی۔۔۔۔ وہی بے چینی۔۔۔۔۔۔ جب آن بیٹھا میری ٹہنی پہ تو معلوم ہوا کہ یہ تو وہی پرندہ ہے۔۔۔۔۔۔۔ حال آج بھی کچھ بدلا نہ تھا۔۔۔۔ نگاہیں بار بار اٹھتی تھیں کسی رستے کی جانب۔۔۔۔۔۔۔ 

کیسے ہو اے راہ عشق کے مسافر۔۔۔۔۔ آج کس منزل کی جانب نظر ہے ؟؟؟ 

کچھ دیر خاموش رہا اور پھر بڑے جوش بولا۔۔۔

"اچھا ہوں اور دیکھتا ہوں کہ شاید کہیں سے نجف کا شاہ راستہ بنا ڈالے اور دور کھڑے مجھے اشارہ کردے کہ آجا پیارے۔۔۔ جلدی سے آجا۔۔۔۔۔۔ اور میں شاہ نجف کے در پر پہنچ کر پروانہ بن جائوں ۔۔۔۔ ان کے روضے کے گرد چکر لگاتا رہوں جسے دیکھ کر لوگ کہنے لگیں 'علی کا ملنگ ہے یہ علی ع کا ملنگ' ۔۔۔۔۔" 

اور دیکھتا ہوں کہ کہیں وفا کا سلطان ، وفا کا بادشاہ مجھے آواز دے دے کہ چلتا کیوں نہیں،  بھٹکتا کہاں ہے، چل!!!  تجھےمیرے مولا حسین نے یاد کیا ہے ۔۔۔۔۔۔اور میں پھر سے دوڑوں اور ایسے دوڑوں کہ غازی عباس علیہ السلام کے در پر حاضری دوں اور اجازت طلب کروں اور اپنے  مولا حسین کے در پر جاکر بیٹھ جائوں اور بیٹھا رہوں۔۔۔ یہاں تک کہ مولا علیہ السلام میرے پاس آ بیٹھیں اور فرمائیں "اے طائر !!!کیوں اداس بیٹھے ہو میرے در پر " اور میں کہوں اے  مولا میرے ! ساری عمر بھٹکتے گزار دی۔۔۔۔۔ اب اجازت چاہیئے کہ بی بی زہرہ کے در پہ حاضری ہو اور وہیں پر سانس کی ڈور ٹوٹے۔۔۔۔۔ پھر حکم ہو جا پیارے حسین کی اماں نے اجازت دے دی۔۔۔۔ جا کر حاضری دے ۔۔۔۔۔" 

اور پھر ایک دن دیکھنے والوں نے دیکھا کہ اک طائر در زہرہ علیہ السلام پہ بہت ہی پرسکون ابدی نیند سوگیا۔۔۔۔۔۔۔۔اور اپنی مراد پا گیا۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 "جان کو تاہ جان جاناں 

رحمتہ للعالمین صلی اللہ علیہ و آلہ و سلم  " سے اقتباس 

از قلم 

خوش بخت 

#makkah #madina #karbala #NAJAF #kaba #Muhammad_SAW #yahussain #yaabbas 

#yaali #یاحسین_ع #storytelling